თბილისის თავზე ნაცრისფერმა ცამ საზოგადოებაში აქტიური განხილვა გამოიწვია. მას შემდეგ, რაც გაირკვა რომ ცის ფერი არა სმოგმა ან ნისლმა, არამედ მტვერმა შეცვალა გაჩნდა მთავარი კითხვა - შენარჩუნდება თუ არა მტვერი საღამომდე და ხელს შეუშლის თუ არა ცის ფერი მთვარის დაბნელების ნახვას.

On.ge-ს გარემოს ეროვნულ სააგენტოში უთხრეს, რომ ნაცრისფერი ცა შესაძლოა რამდენიმე დღე შენარჩუნდეს, მაგრამ მთვარის დაბნელების ნახვაში ხელშემშლელი ფაქტორი არ იქნება.

საქართველოში მთვარის დაბნელება დღეს, 27 ივლისს 21 საათსა და 14 წუთზე დაიწყება და მაქსიმუმს დაახლოებით 00 საათსა და 21 წუთზე მიაღწევს. ეს საუკუნის ყველაზე გრძელი მთვარის სრული დაბნელება იქნება და ის ერთი საათი და 43 წუთი გაგრძელდება.

მთვარის დაბნელებას მარსის მოახლოებაც ემთხვევა. 27-30 ივლისს მარსი დედამიწას 56 მილიონ კილომეტრზე მოუახლოვდება, ამიტომ მთვარის დაბნელებასთან ერთად ცაში მოკაშკაშე მოწითალო პლანეტას თქვენ აუცილებლად შენიშნავთ.

განახლება: დავით დვალი: მთვარე დაბნელდება, მაგრამ ჩვენ გარეშე

ამავე თემაზე: