რამდენიმე წუთის წინ 2018 წლის მსოფლიო ჩემპიონატის პირველი ნახევარფინალური შეხვედრა დასრულდა, რომელშიც ერთმანეთს საფრანგეთისა და ბელგიის ნაკრებები უპირისპირდებოდნენ.

პირველი ტაიმი გარდამავალი უპირატესობით მიმდინარეობდა, შეცდომას ორივე გუნდის ფეხბურთელები უშვებდნენ, რასაც სწრაფი კონტრშეტევები მოსდევდა, თუმცა მეკარეები მოწოდების სიმაღლეზე იყვნენ და ანგარიში არ გახსნილა.

პირველი და მატჩის ერთადერთი გოლი სამუელ უმტიტიმ 51-ე წუთზე კუთხურიდან მოწოდებული ბურთის შემდეგ გაიტანა და გუნდს გამარჯვება მოუტანა.

ტურნირის მეორე ფინალისტის ვინაობა ხვალ, ინგლისისა და ხორვატიის დაპირისპირების შემდეგ გაირკვევა.