ავსტრალიაში მაღალი სიცხის გამო ასფალტმა დნობა დაიწყო, რის შედეგადაც 50-მდე მანქანას ბორბლები, ბამპერები და პანელები დაუზიანდა.

ავსტრალიის სატრანსპორტო დეპარტამენტის წარმომადგენლებს გზის იმ მონაკვეთის გადაკეტვა მოუწიათ, რომელიც დაზიანდა. ასფალტის დნობის შედეგად დაზარალებულებს მთავრობა ზარალის სრულ ანაზღაურებას დაპირდა.

"ასეთი რამ არასოდეს მინახავს და ის, რაც ხდებოდა [ასფალტის დნობა], წარმოუდგენელი იყო", - აღნიშნა ადგილობრივმა მერმა ABC-სთან საუბრისას.

მომხდარს ამინდის კონტრასტულ ცვლილებას უკავშირებენ. ადგილობრივების თქმით, რამდენიმედღიანი წვიმის შემდეგ გამოსული მზიანი ამინდის გამო, გზა ფაქტობრივად დადნა და მანქანის ბორბლები შავი წებოვანი ნივთიერებით დაიფარა.

აღსანიშნავია ისიც, რომ ზაფხული მწვანე კონტინენტზე ერთ-ერთ ყველაზე ცივ დროდ ითვლება. ტემპერატურა სანაპიროზე 20 გრადუსს თითქმის არასდროს სცდება.