საქართველოს საპატრიარქოს განცხადებით, ის ემიჯნება ქართველი ხალხის ეროვნული ყრილობას, რომელიც 6 ივლისს თბილისში, სპორტის სასახლეში უნდა გაიმართოს.

საპატრიარქოს ცნობით, ვრცელდება ინფორმაცია, რომ აღნიშნული ყრილობა ურბნისისა და რუისის მიტროპოლიტის იობის ორგანიზებით ტარდება, რასაც მეუფე უარყოფს.

"ასევე გაკეთდა განაცხადი ამ ღონისძიებასთან მიმართებაში კათოლიკოს-პატრიარქის ინფორმირებულობასთან დაკავშირებით, რაც რეალობას საერთოდ არ შეესაბამება. შეკრების მიზნებსა და გეგმებზე როგორც საზოგადოებისთვის, ისე ჩვენთვის ა.წ. 2 ივლისს გახდა ცნობილი და, ბუნებრივია, მას ვემიჯნებით", - ნათქვამია განცხადებაში.

გაზეთ ასავალ-დასავალთან ინტერვიუში რუის-ურბნისის ეპარქიის წმინდა კვირიკესა და ივლიტას ეკლესიის მოძღვარმა მამა გიორგი აბდუშელიშვილმა განაცხადა, რომ მეუფე იობის ლოცვა-კურთხევით, სპორტის სასახლეში ქართველი ხალხის ეროვნული ყრილობა ივლისს,18 საათზე, გაიმართება. ყრილობაზე საარჩევნო კანონმდებლობის შეცვლასა და ვადამდელი საპარლამენტო და საპრეზიდენტო არჩევნების ჩატარებას მოითხოვენ.