ერევანში პოლიციის შენობაში მყოფი შეიარაღებული თავდამსხმელების მხარდამჭერებმა, რომლებიც უკვე რამდენიმე დღეა მიმდებარე ტერიტორიაზე მიტინგებს მართავენ, ხელისუფლებას რიგი მოთხოვნები წაუყენეს, მათ შორისაა სომხეთის პრეზიდენტის, სერჟ სარგისიანის გადადგომა და პოლიციელების მიერ დაკავებული პირების გათავისუფლება. ინფორმაციას Ekhokavkaza ავრცელებს.

გავრცელებული ინფორმაციით, პოლიციის მიმდებარე ტერიტორიაზე სამართალდამცავებმა დამატებითი ძალების მობილიზება მოახდინეს. ამასთან, გუშინ პოლიციამ შეიარაღებულ თავდამსხმელთაგან ერთ-ერთი, არამ მანუკიანი და მისი შვილი დააკავა. დაკავებულის ადვოკატის თქმით, დაკავებული, თავის შვილთან ერთად, საავადმყოფოში გადაიყვანეს, თუმცა სასამართლო პროცესის დრო დაზუსტებული არ არის.

ადგილობრივი უშიშროების სამსახური ამბოხებულებს ისევ დანებებისკენ მოუწოდებს. გადრდა ამისა, მანამდე ადგილობრივი მედია საშუალებები იუწყებოდნენ, რომ თავდამსხმელებმა მძევლად სასწრაფო დახმარების თანამშრომლებიც აიყვანეს.

17 ივლისს ოპოზიციური მოძრაობის - დამფუძნებელთა პარლამენტის მეთაურის, ჟირაირა სეფილიანის გათავისუფლების მოთხოვნით შეიარაღებული დაჯგუფება პოლიციის შენობაში შეიჭრა და მძევლები აიყვანა. ისინი ასევე მოითხოვენ სომხეთის პრეზიდენტის, სერჟ სარგისიანის გადადგომასა და ხელისუფლების ცვლილებას.

სომხეთში მიმდინარე მოვლენების შესახებ დეტალურ ინფორმაციას შეგიძლიათ გაეცნოთ აქ: