ვადამდელი არჩევნების პირველადი შედეგებით, თურქეთის პრეზიდენტი ისევ რეჯეპ ტაიპ ერდოღანი იქნება. ინფორმაციას ადგილობრივი მედია ავრცელებს.

პირველადი შედეგებით, ერდოღანმა ხმების 58 პროცენტი მოიპოვა. მეორე ადგილზე გავიდა მისი მთავარი ოპონენტი მუჰარემ ინჩე, რომელმაც 28 პროცენტი დააგროვა.

რაც შეეხება საპარლამენტო არჩევნებს, იქაც ერდოღანის პარია სამართლიანობისა და განვითარების პარტია ლიდერობს, რომელმაც, წინასწარი მონაცემებით, 51 პროცენტი დააგროვა. მეორე ადგილზე სახალხო რესპუბლიკური პარტიაა, რომელმაც ხმების 17 პროცენტი მოიპოვა.

თურქეთში, დღეს, 24 ივნისს ვადამდელი საპრეზიდენტო და საპარლამენტო არჩევნები მიმდინარეობს. თურქეთში ეს არჩევნები ისტორიული იქნება, რადგან აღმასრულებელი ფუნქცია დაეკისრება პრეზიდენტს და პრემიერ-მინისტრის თანამდებობა გაუქმდება.

საპრეზიდენტო არჩევნების პირველ ტურში გამარჯვებისთვის კანდიდატმა ხმების 50 პროცენტზე მეტი უნდა დააგროვეს. წინააღმდეგ შემთხვევაში, მეორე ტურში საუკეთესო შედეგის მქონე ორი კანდიდატი იბრძოლებს.

რეჯეფ ტაიპ ერდოღანს გამარჯვების შემთხვევაში, ხელისუფლების სათავეში ის 2023 წლამდე იქნება და მორიგ საპრეზიდენტო არჩევნებშიც შეძლებს მონაწილეობის მიღებას.