"ომი გამოიარეს ჩემთან ერთად საკონსტიტუციო სასამართლოს მოსამართლეებმა და მეწვრილმანე ბიძინა ივანიშვილის შანტაჟის მსხვერპლი თუ გახდებიან, ძალიან გამიკვირდება", – ამის შესახებ რუსთავი 2-ის გენერალურმა დირექტორმა ნიკა გვარამიამ არჩევანის ეთერში განაცხადა.

გვარამიამ მოსამართლეებს მიმართა რომ მათ ხელშა რუსთავი 2-ის და ასევე სხვა მნიშვნელოვანი საქმეებიც და პასუხისმგებლები უნდა იყვნენ საქართველოს კონსტიტუციის წინაშე:

"ბიძინა ივანიშვილი არის მილევად რეჟიმში და ნუ ჩაყვებით მას თამაშში. ბიძინა ივანიშვილი წავა, თქვენ ვერ წაყვებით. ბიძინა ივანიშვილი დაიმალება, თქვენ ვერ დაიმალებით. ჩვენ უნდა ვიცხოვროთ ყველამ ამ ქვეყენაში ერთად, ივანიშვილის გარეშე და პასაუხიც უნდა ვაგოთ მერე ერთმანეთის წინაშე. ნუ გადაიყვანთ საკუთარ თავს მილევად რეჟიმში ივანიშვილთან ერთად".

მისი თქმით, არიან მოსამართლეები, რომლებიც არიან დაშანტაჟებულები, მაგრამ ამაზე არ საუბრობენ:

"ცუდია, რომ არ საუბრობენ, მაგრამ მესმის, რომ ერთ მხარეს არის პასუხისმგებლობა, მეორე მხარეს არის ოჯახის იმიჯი და საზოგადოებრივი იმიჯი, მაგრამ როცა მაღალ საზოგადოებრივ თანამდებობაზეა ლაპარაკი, ყველაფრისთვის მზად უნდა ვიყოთ".