ჩინეთში ძლიერი წვიმის შედეგად გამოწვეულ წყალდიდობას 87 ადამიანის სიცოცხლე ემსხვერპლა, 90-მდე პირს ამ დრომდე ეძებენ, ათასობით მოქალაქე კი იძულებული გახდა საცხოვრებელი სახლი დაეტოვებინა. ინფორმაციას Reuters ადგილობრივ მედიაზე დაყრდნობით ავრცელებს.

სტიქიის შედეგად ყველაზე მეტად პროვინცები, ხებეი და ხენანი განადგურდა. გამოცემის ინფორმაციით, დაახლოებით 50 ათასი საცხოვრებელი სახლი განადგურდა. ხენანის პროვინციაში, სადაც 15 ადამიანი გარდაიცვალა, ხოლო 8 დაკარგულად ითვლება, 72 ათასი მოქალაქე იძულებული გახდა საცხოვრებელი სახლი დაეტოვებინა.

მთლიანობაში სტიქიის შედეგები 8 მილიონამდე ადამიანს შეეხო.