საქართველოს პარლამენტის სპორტის კომიტეტის ხელმძღვანელი, ქართული ოცნების წევრი, მიხეილ ყაველაშვილი ამბობს, რომ ვერ აღმოაჩინეს დარღვევები, რის გამოც ძიუდოს ფედერაციის პრეზიდენტი, დავით ქევხიშვილი უნდა გადადგეს. ამის შესახებ მან რამდენიმე წუთის წინ პრალამენტში ისაუბრა.

"თუ არსებობს დარღვევები, ისინი გამოკვლეული უნდა იქნას კანონით დადგენილი წესით, კომპეტენტური ორგანოების მიერ. კიდევ ერთხელ მინდა მოვუწოდო ჩვენს სპორტსმენებს, რომ დაბრუნდნენ საჭიდაო ხალიჩას, გააგრძელონ საქართველოს სახელით გამოსვლა და ნუ დაიყენებენ თავს მთელი ძიუდოს სამყაროს საპირწონედ. ჩვენ მზად ვართ ვითანამშრომლოთ ორივე მხარესთან და მშვიდობიანად დავასრულოთ კონფლიქტი", - განაცხადა ყაველაშვილი.

ძიუდოს ნაკრების კაპიტანი ვარლამ ლიპარტელიანი, გუნდის რამდენიმე წევრთან ერთად, ფედერაციის პრეზიდენტის, დავით ქევხიშვილის გადადგომას ითხოვს. ამის მიზეზად ძიუდოისტები, ერთის მხრივ, ნაკრების წარუმატებლობას, მეორეს მხრივ, ფედერაციაში არსებულ მძიმე და უსიამოვნო სიტუაციას ასახელებენ.

თავად ქევხიშვილი კი აცხადებს, რომ თუ ახლა გადადგება, გამოვა, რომ ამ ქვეყანაში კანონს და სამართალს ფასი არ აქვს. ფედერაციის პრეზიდენტი ფიქრობს, რომ ნაკრების წევრებს არ აქვთ არგუმენტი იმასთან დაკავშირებით, თუ რაში შეუშალა მათ ხელი.

ამავე თემაზე: