შს მინისტრის, გიორგი გახარიას თქმით, 12 მაისს კლუბებში სპეცოპერაცია ნარკორეალიზატორთა დასაკავებლად არ ჩატარებულა

"უფრო მეტსაც გეტყვით ეს არ იყო ძირითადი ამოცანა, როდესაც კლუბში შევდიოდით. ჩვენი ძირითადი მიზანი იყო რეალიზატორებსა და კლუბის ინფრასტრუქტურას შორის დაგვდეგინა კავშირი, რომელიც შემდგომში გვაძლევს საშუალებას გავიდეთ უფრო დიდ ქსელზე, რასაც, ფაქტობრივად ჩვენ მივაღწიეთ", - განაცხადა გახარიამ.

შინაგან საქმეთა მინისტრს, გიორგი გახარიას პარლამენტში პლენარულ სხდომაზე დეპუტატები უსმენენ. გახარია სამინისტროში მიმდინარე რეფორმებსა და კლუბებში 12 მაისის სპეცოპერაციაზე ისაუბრა.

შინაგან საქმეთა მინისტრის მოადგილის, ნათია მეზვრიშვილი განცხადებით, ბასიანსა და გალერიში ნარკოტიკული საშუალებები იყიდებოდა და პოლიციის მიერ საგამოძიებო მოქმედებების ჩატარება ლეგიტიმური იყო.

მისივე თქმით, კლუბებში სპეცოპერაცია არ ჩატარებულა და ეს იყო საგამოძიებო მოქმედება-ჩხრეკა.

გაიგეთ მეტი: