WikiLeaks-მა თურქეთის პრეზიდენტის ერდოღანის პარტიის 300 000-მდე ელექტრონული მიმოწერა, ათასობით თანდართულ დოკუმენტთან ერთად გაასაჯაროვა.

ბოლო მიმოწერა 2016 წლის 6 ივლისით თარიღდება, ყველაზე ძველი კი 2010 წლისაა.

WikiLeaks-ის ოფიციალურ გვერდზე წერია, რომ მიმოწერები ეხება როგორც საერთაშორისო საკითხებს, ისე ყველაზე სენსიტიურ ქვეყნის შიდა საკითხებსაც.

ორგანიზაციის განცხადებით, მათ წერილები სამხედრო გადატრიალების მცდელობამდე ერთი კვირით ადრე მოიპოვეს.