კლუბ ბასიანის ერთ-ერთი დამფუძნებელი და თეთრი ხმაურის მოძრაობის წევრი ნაჯა ორაშვილი აცხადებს, რომ მათი მოთხოვნაა შელახული რეპუტაციის გასწორება და მხარდაჭერას. ის ფეისბუქის საკუთარ გვერდზე განცხადებას ავრცელებს, სადაც ნათვამია, რომ ითხოვს მხარდაჭერას და პოლიტიკის ცვლილებას.

"ვითხოვ ბოდიშს, ვითხოვ დამნაშავეების დასჯას, ვითხოვ ძალადობრივი ქმედებების დაგმობას, ვითხოვ ფინანსური და მორალური ზიანის ანაზღაურებას, ვითხოვ გვანახონ რა მდგომარეობაშია 48 საათის შემდეგ კლუბის ტერიტორია. ბოლოს ვითხოვ ამ გახლეჩლი საზოგადოების გაერთიანებისკენ ნაბიჯის გადადგმას. ჯერ კიდევ მაქვს იმედი, რომ ამაზე ვინმე იზრუნებას".

ნაჯა ორაშვილი წერს, რომ ის პირველი იყო, ვინც მომწამლავი ნივთიერების ბაზარზე არსებობის შესახებ შესაბამის უწყებებს შეატყობინა და პირველი იყო, ვინც მზადყოფნა გამოთქვა რომ ამ ნივთიერების წინააღმდეგ ბრძოლაში ჩართულიყო:

"მაინც ისევ ჩვენი დემონიზირება მოხდა. აღარაფერს ვამბობ ჩემს შესახებ წარმოებულ უმძიმეს ბრალდებებს და შეფასებებს. თუნდაც თქვენი ყველა ბრალდება საფუძვლიანი ყოფილიყო, მსგავს სპეცოპერაციას არ სჭირდება ასეულობით პოლიციელის, სპეცრაზმების, ჯარის და წყლის ჭავლიანი მანქანებით დარბევა - 2 პოლიეციელის საკმარისი იქნებოდა ამისთვის".

პარლამენტის შენობასთან აქცია "ჩვენი თავისუფლება" გრძელდება. აქციის მონაწილეები 12 მაისს გვიან ღამით, კლუბ ბასიანსა და კაფე გალერიში ჩატარებულ სპეცოპერაციას აპროტესტებენ.

რა მოხდა კლუბ ბასიანთან და კაფე გალერისთან - 12 მაისის მოვლენების დეტალები