"უკმაყოფილება ნებისმიერ შემთხვევაში იქნება, რადგან როცა ხალხი კარგად ცხოვრებას იწყებს, უფრო და უფრო მეტი უნდა და მოთხოვნა იზრდება. ჩვენი მიზანია მივაღწიოთ ისეთ დონეს, რომ ხალხმა საკუთარი სურვილების ნახევარი მაინც აისრულოს", - ასე შეაფასა სომხეთის ახლადარჩეულმა პრემიერ-მინისტრმა და ყოფილმა პრეზიდენტმა, სერჟ სარგსიანმა ქვეყანაში არსებული სიტუაცია.

სომხურ ტელევიზიასთან, Shant News-თან ინტერვიუში სარგსიანმა ქვეყნის ეკონომიკური მდგომარეობაზე ისაუბრა. მისი თქმით, ქვეყანაში ხშირი მიტინგები შესაძლოა, ეკონომიკას აფერხებდეს. მისივე თქმით, ბოლო წლები სომხეთში მხოლოდ ერთი მშვიდი წელი იყო, როცა არ დაფიქსირებულა არც გარე და არც შიდა არასტაბილურობა.

"ალბათ, 2017 იყო ერთადერთი წელი, როცა ქუჩებში მიტინგები არ ყოფილა. ტურისტებს ერევანში მოგზაურობა შეეძლოთ, ინვესტორებს კი ინვესტიციის განხორციელება. ეს იყო ერთადერთი წელი და ამ წელს 7,5% -იან ეკონომიკური ზრდა გვქონდა. სულ რამდენიმე წელი გვჭირდება იმისთვის, რომ ეს ზრდა ხახლმა იგრძნოს."

სარგსიანმა ისაუბრა იმაზეც, რომ ადამიანის ძირითადი უფლებები და თავისუფლება პრიორიტეტია, თუ ის ლოგიკის ფარგლებში ჯდება:

"მაგრამ როცა ეს უფლებები არაპროპორციული ხდება და ერევანში საცობებად გადაიქცევა, როგორ გგონიათ შეიძლება ამას დადებითი ეფექტი ჰქონდეს ეკონომიკისთვის?"

მას შემდეგ, რაც სარგსიანი პრეზიდენტიდან პრემიერ-მინისტრის პოსტზე წარადგინეს, მისი კანდიდატურის გასაპროტესტებლად, ერევანში სამოქალაქო დამოურჩილებლობის აქციები დაიწყო. აქციის მონაწილეებმა ქუჩები გადაკეტეს.

სარგსიანი ქვეყანას ორი ვადის განმავლობაში მართავდა. ის პრეზიდენტად 2008 წელს აირჩიეს. 2015 წელს, რეფერენდუმის შემდეგ პრეზიდენტის ძალაუფლების უმეტესი ნაწილი პრემიერმინისტრს გადაეცა, რომელსაც პარლამენტი ირჩევს. პარლამენტი ირჩევს ასევე პრეზიდენტსაც, რომელსაც საკონსტიტუციო ცვლილებების შედეგად სიმბოლური როლი აქვს. 9 აპრილს პრეზიდენტის პოსტზე ყოფილი პრეზიდენტის პოლიტიკური მოკავშირე არმენ სარქისანი იქნა დამტკიცებული.

სარგსიანის პრემიერად დამტკიცების შემდეგ ოპოზიციამ განაცხადა, რომ ხავერდოვან რევოლუციას იწყებს.

გაიგეთ მეტი: