შინაგან საქმეთა სამინისტროს განცხადებით, არაერთგზის ჩადენილი ქურდობის ბრალდებით, სამეგრელოში სამი პირი დააკავეს.

გამოძიების ვერსიით, დაკავებულებმა, მიმდინარე წლის 29 მარტს, წალენჯიხაში, სამი საცხოვრებელი სახლი გაქურდეს და სხვადასხვა სახის ნივთები მოიპარეს.

შსს-ს ცნობით, სამართალდამცველებმა მოპარული ნივთების ნაწილი ნივთმტკიცების სახით თბილისში, ქუთაისსა და ზუგდიდში ამოიღეს.

გამოძიება წინასწარი შეთანხმებით ჯგუფის მიერ, არაერთგზის ჩადენილი ქურდობის ფაქტზე მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.