გერმანიამ "მძარცველებზე ნადირობის" დროს აეროპორტებში საქართველოს 231 მოქალაქე შეამოწმა, მათგან 59-ს უარი უთხრეს და დაუყოვნებლივ გამოუშვეს საქართველოში. ამის შესახებ ინფორმაციას Bild ერთ-ერთი მაღალი რანგის ოფიცერზე დაყრდნობით ავრცელებს.

გამოცემის ინფორმაციით, გერმანიის ფედერალურმა პოლიციამ რეიდი 26 თებერვლიდან 4 მარტის ჩათვლით ჩაატარა და რამდენიმე აეროპორტში ქვეყანაში შემავალი საქართველოს მოქალაქეები დეტალურად შეამოწმდა. საქართველოს მოქალაქეების ნაწილს კი, ქვეყანაში ყოფნის მიზეზის დამადასტურებელი დოკუმენტი არ ჰქონდათ.

დოკუმენტებში, რომლის საფუძველზეც საქართველოს მოქალაქეებს უარი უთხრეს ქვეყანაში შესვლაზე, ასევე აღნიშნულია, რომ ბოლო წლებში ქართველი კრიმინალები, რომლებიც "ინტენსიურ დამნაშავეებად" აღიქმებიან, რეგულარულად არღვევდნენ ქვეყანაში დარჩენის წესებს.

საქართველოს მოქალაქეები გერმანიაში რეგისტრირდებოდნენ თავშესაფრის მაძიებლებად, მოგვიანებით კი უკან გაჰქონდათ საბუთები. ფედერალური კრიმინალური პოლიციის ცნობით, გერმანიაში ლეგალურად ყოფნის მოკლე პერიოდში, მათ მხოლოდ ერთი მიზანი ჰქონდათ, ძარცვის გზით მოეპოვებინათ ფული და ძვირფასეულობა.