საქართველოს მთავრობის ინიციატივით, საქველმოქმედო სსიპ-ები და ააიპ-ები მოგების გადასახადისგან გათავისუფლდებიან. ამის შესახებ მთავრობის სხდომის დასრულების შემდეგ ფინანსთა მინისტრმა, მამუკა ბახტაძემ განაცხადა.

ინიციატივა 2019 წლიდან უნდა ამოქმედდეს. მინისტრის განმარტებით, ამით საქართველოში ესტონური მოდელი ამუშავდება.

"ჩვენ გვაქვს მოლოდინი, რომ აღნიშნული ინიციატივის ფარგლებში მეტი თანხები ექნებათ ამ ორგანიზაციებს შიდა ინვესტიციების გასაკეთებლად", - განაცხადა ბახტაძემ.