თბილისში, კოსტავას #41-ში ხუთვარსკვლავიანი სასტუმრო ჰილტონის მშენებლობა იწყება. პრემიერ-მინისტრმა, გიორგი კვირიკაშვილმა სასტუმროს მშენებლობის დაწყების საზეიმო ღონისძიებაზე შეკრებილ სტუმრებს მიმართა.

პრემიერმა აღნიშნა, რომ რამდენიმე ასეული ადამიანი დასაქმდება მშენებლობაზე და შემდეგ უკვე მუდმივად სასტუმროში:

"ეს არ არის მხოლოდ და მხოლოდ ერთი სასტუმროს მშენებლობა, ამ სასტუმროს მშენებლობას უამრავი სარგებელი მოაქვს".

პრემიერის თქმით, 2020 წლისთვის სასტუმრო ექსპლუატაციაში შევა.

თბილისში, კოსტავას ქუჩის #41-ში, ახალი, 5-ვარსკვლავიანი სასტუმროს მშენებლობა 2019 წელს დასრულდება და ექსპლუატაციაში 2020 წელს შევა. საინვესტიციო კომპანია გრანატ-ინვესტმენტი პროექტში 45 მლნ-მდე ევროს ინვესტიციას განახორციელებს.

ჰილტონ თბილისის მთავარი კონტრაქტორი დეველოპერი კომპანია იქნება BBC, სამშენებლო პროცესს კი, მენეჯმენტს ბრიტანული კომპანია BHP გაუწევს.