დღეს პარლამენტის წინ პარტიზანული მებაღეობის ორგანიზებით აქცია გაიმართა, სახელწოდებით "გვასუნთქეთ სუფთა ჰაერი და არა საწამლავი".

აქცია მსოფლიო ჯანდაცვის ორგანიზაციის ბოლო კვლევას ეხმაურებოდა. მისი მიხედვით, საქართველო ჰაერის დაბინძურებით გამოწვეული სიკვდილიანობით პირველ ადგილზეა.

აქციის მონაწილეები მთავრობისგან მათი კონსტიტუციური უფლების დაცვას ითხოვენ, რომელიც ჯანმრთელობისთვის უსაფრთხო გარემოში ცხოვრებას ითვალისწინებს.

პარტიზანი მებაღეები შეთანხმდნენ 12 პუნქტიან გეგმაზე, რომელიც ხელისუფლებამ უნდა გაითვალისწინოს. მებაღეები ხელისუფლების წარმომადგენლებისგან ქმედითი ნაბიჯების გადადგმას ითხოვენ.

პარტიზანი მებაღის მარიამ ყანჩაველის თქმით, აქციაზე ხელმოწერები შეგროვდა.