საქართველოს ბანკი, როგორც განათლების მთავარი მხარდამჭერი, გაერთიანებული მსოფლიო სკოლების (UWC) პარტნიორია. თანამშრომლობის ფარგლებში ბანკი 15-17 წლის მოსწავლეებისთვის სასტიპენდიო პროგრამას ახორციელებს.

პროგრამა მოსწავლეებს აძლევს საშუალებას მათთვის საინტერესო ლოკაციაზე — მსოფლიოს მასშტაბით 17 ქვეყანაში, 18 პარტნიორ სკოლაში გააგრძელონ სწავლა.

პროგრამაზე მიღება პირველ აგვისტოს დაიწყება.

ინფორმაციისთვის: საქართველოს ბანკისა და UWC Georgia-ს თანამშრომლობა პირველად 2025 წელს შედგა. პარტნიორობის ფარგლებში 2 სტიპენდიატი გამოვლინდა. საქართველოს ბანკის მხარდაჭერით, ქართველ მოსწავლეებს შეექმნათ უნიკალური შესაძლებლობა, დაეუფლონ საერთაშორისო ბაკალავრიატის (IB) პროგრამას და იცხოვრონ მულტიკულტურულ გარემოში თანატოლებთან ერთად.

გაერთიანებული მსოფლიო სკოლები (UWC) ანუ საერთაშორისო საგანმანათლებლო მოძრაობა ახალგაზრდებისთვის, მიზნად ისახავს განათლება გამოიყენოს სხვადასხვა ერისა და კულტურის დასაახლოებელ ძალად და ასე შეუწყოს ხელი მშვიდობიანი და მდგრადი მომავლის შექმნას. UWC მსოფლიოს სხვადასხვა კონტინენტის 18 საერთაშორისო სკოლასა და კოლეჯს აერთიანებს. პროგრამის ფარგლებში სწავლება მიმდინარეობს 17 სხვადასხვა ქვეყანაში, მათ შორის — კანადაში, აშშ-ში, ჩინეთში, იაპონიაში, ტაილანდში, გერმანიასა და იტალიაში.

პროგრამის შესახებ დეტალური ინფორმაციის მისაღებად ეწვიეთ ბმულს, კითხვების შემთხვევაში გადადით აქ.

საქართველოს ბანკის მიერ განხორციელებული საგანმანათლებლო პროგრამების შესახებ დეტალური ინფორმაციის მისაღებად ეწვიეთ ვებგვერდს.