სამშენებლო ტექნიკის მწარმოებელი კომპანია ბიქიუ (BQ, იგივე Shenyang Baoquan) ბაზარზე 2008 წელს გამოჩნდა. დღეს ბრენდი უკვე ოცზე მეტ ქვეყანაშია აქტიურად ჩართული წვრილი თუ მასშტაბური ინფრასტრუქტურული პროექტების სამშენებლო პროცესებში. ბიქიუს ტექნიკა პოპულარულია ავსტრალიაში, სამხრეთ კორეასა და ახლო აღმოსავლეთში. ბრენდის მთავარი მახასიათებელი ეკონომიური ფასისა და მაღალი ხარისხის ოპტიმალური ბალანსია.

საქართველოში ოპერირება კომპანიამ 2021 წლიდან დაიწყო. სამშენებლო პროექტის წარმატება დიდწილად დამოკიდებულია მძიმე ტექნიკის საიმედოობაზე. ამიტომ ბიქიუს (BQ) დევიზი — პროფესიული ერთგულება და სანდოობა (Professional Devotion & Creditability) განსაკუთრებით საყურადღებოა. კომპანია მიზანი ქართველ დეველოპერებთან გრძელვადიანი პარტნიორობის დამყარებაა.

ბიქიუს მთავარი შეთავაზება ამწეების ყიდვასა და ქირაობას უკავშირდება. კოშკურა ამწეები სამშენებლო პროცესებში ყველაზე დიდ როლს ასრულებს. ტექნიკა პასუხისმგებელია არმატურის, ბლოკებისა და სხვა მძიმე სამშენებლო მასალის დიდ სიმაღლეზე უსაფრთხოდ და ზუსტად ატანაზე. კოშკურა ამწის ხარისხიანი, სანდო, გამართული მუშაობა დიდწილად განსაზღვრავს რამდენად სწრაფად და უპრობლემოდ მიმდინარეობს მშენებლობა.

თუმცა ამწის გარდა პროცესში სხვა მნიშვნელოვანი ტექნიკაც მონაწილეობს. ბიქიუს პროდუქტების კატალოგი გათვლილია სხვადასხვა ტიპის ობიექტის სპეციფიკას მაქსიმალურად მოერგოს. ერთ-ერთი პოპულარული პროდუქტი, რომელიც თითქმის ყველა მშენებლობაზე საჭიროა სამშენებლო ლიფტი. სამშენებლო ლიფტი პერსონალის გადაყვანისა და შედარებით მცირე ზომის მძიმე ინვენტარის სართულებს შორის სწრაფად გადასატანად გამოიყენება.

სამუშაო ტემპისა და პროდუქტიულობის გასაზრდელად მშენებლებს დამხმარე ტექნიკაც სჭირდება. მაგალითად, ბეტონის გამანაწილებელის გარეშე უკვე წარმოუდგენელია თანამედროვე მშენებლობაზე ბეტონის ჩამოსხმის პროცესი. მის გარეშე თხევადი მასის რთულად მისადგომ ადგილებში თანაბრად და ზუსტად ჩასხმა შეუძლებელია.

შენობის ექსტერიერზე მუშაობისას ტრადიციულ ხარაჩოებს აქტიურად ანაცვლებს თანამედროვე საფასადე პლატფორმა. პლატფორმა ბევრად დიდ წონას უძლებს და მოსაპირკეთებელი მასალები პირდაპირ სამუშაო ზონასთან მიაქვს. მძიმე ტვირთების უსაფრთხო აწევა-გადატანაში კი დიდ როლს თამაშობს მაღალი გამძლეობის ლითონის ტროსები (ბაგირები). ხარისხიანი და ცვეთის მედეგი ტროსები აუცილებელია, რომ ტექნიკამ მექანიკურ დატვირთვას გაუძლოს და შესაძლო დაზიანების რისკები არ გაიზარდოს.

ტექნიკამ უწყვეტ რეჟიმში რომ იმუშაოს, ყველა დეტალი გამართული უნდა იყოს. თუ კოშკურა ამწის ან სამშენებლო ლიფტის დაზიანებული ელემენტი უმოკლეს დროში ახლით არ შეიცვალა, მაღალია შანსი მშენებლობა გაჩერდეს. გაჩერებული მშენებლობა კი პროექტით გაწერილი ვადები დარღვევასა და ფინანსურ ზარალს ნიშნავს. ქართულ რეალობაში პროცესი ხშირად იწელება იმიტომ, რომ დაზიანებული დეტალის საზღვარგარეთიდან შეკვეთასა და ჩამოტანას დამატებითი დრო სჭირდება. ბიქიუსთან ეს პრობლემა არ იჩენს თავს — სამშენებლო ტექნიკის სათადარიგო ნაწილები უკვე საქართველოს საწყობშია. ამასთან ერთად, ქართველ ინჟინერთა გუნდი პასუხისმგებლობას იღებს ბიქიუს ამწეების წინასწარ დაპროექტირებაზე, უსაფრთხო მონტაჟზე, გამოყენების პერიოდში რეგულარულ შემოწმებასა და დემონტაჟზე.

ბიქიუს კომპლექსური მიდგომა ქართულ სამშენებლო სექტორს ეხმარება, მასშტაბური ინფრასტრუქტურული პროექტები დათქმულ ვადებში დაასრულოს. გამძლე ინვენტარისა და დროული სერვისის წყალობით კი მშენებლობის პროცესი ბევრად ადვილად მართვადი ხდება.