ბათუმის ბულვარში სასტუმრო "ამბასადორი ბათუმის" მშენებარე კორპუსში აფეთქება მოხდა, — ამის შესახებ ინფორმაციას "ბათუმელები" ავრცელებს. ლაივ-ვიდეოს მიხედვით ირკვევა, რომ ადგილზე იმყოფებიან სახანძრო-სამაშველო ჯგუფები.

"ბათუმელების" ჟურნალისტის ცნობით, ადგილზე ძლიერი აფეთქება და დაკვამლიანება იყო. სავარაუდოდ გაზის ბალონი აფეთქდა, რის შედეგადაც ერთი ადამიანი, სავარაუდოდ, თურქეთის მოქალაქე დაშავდა. მას ადგილზე გაეწია შესაბამისი პროცედურები. დაშავებულის სიცოცხლეს საფრთხე არ ემუქრება.