დღეს სუს-ში შემავალი ინფორმაციის ნაკადი გაზრდილია მინიმუმ 30-ჯერ. თუ რეალიზაციისთვის პირობითად შედიოდა 100 ინფორმაცია, ახლა შედის 3 000-ზე მეტი, — განაცხადა სუს-ის უფროსმა მამუკა მდინარაძემ სამთავრობო ტელეკომპანია "იმედის" ეთერში, რომელიც ირაკლი კობახიძის განცხადებით, სამართალდამცავი ორგანოების კოორდინაციის საკითხებში სახელმწიფო მინისტრად დაინიშნება და ვიცეპრემიერობასაც შეითავსებს.

"თუ ჩვენ ბოლო თვეების განმავლობაში რამეს მივაღწიეთ, მე დამხვდა სუს-ში პროფესიონალთა გუნდი, რომლებსაც სჭირდებოდათ კიდევ უფრო უკეთესი მენეჯმენტი და სწორი მიმართულების შემთხვევაში ჩვენ გვაქვს სამართალდამცველები, ფარული თუ ღია თანამშრომლები, რომლებისთვისაც სწორი მიმართულების მიცემა გაძლევს უდიდეს შედეგს, ერთ საერთო მაგალითს და ციფრს მოგიტანთ, თუ დაახლოებით 1 წლის წინ ინფორმაციის ნაკადი იყო რაღაც X ციფრი, დღეს სუს-ში შემავალი ინფორმაციის ნაკადი გაზრდილია მინიმუმ 30-ჯერ. თუ რეალიზაციისთვის პირობითად შედიოდა 100 ინფორმაცია, ახლა შედის 3 000-ზე მეტი", — თქვა მამუკა მდინარაძემ სამთავრობო ტელეკომპანია "იმედის" ეთერში.

შეკითხვაზე, ხდება გაზრდილი მოსმენების ხარჯზე ხომ არ ხდება, მდინარაძემ უპასუხა: "მათ შორის, რა ეგონათ დავმალავდი?! დიახ, მოსმენებიც არის გაზრდილი, ოღონდ მოსამართლის განჩინების საფუძველზე", — განაცხადა სუს-ის უფროსმა მამუკა მდინარაძემ, რომელიც ირაკლი კობახიძის განცხადებით, სამართალდამცავი ორგანოების კოორდინაციის საკითხებში სახელმწიფო მინისტრად დაინიშნება და ვიცეპრემიერობასაც შეითავსებს.

შეგახსენებთ, რომ 21 აპრილს ცნობილი გახდა, რომ ქართულ ოცნებაში საკადრო ცვლილებები განხორციელდა — შს მინისტრმა გეკა გელაძემ სუს-ის უფროსის პოსტზე მამუკა მდინარაძე ჩაანაცვლა. თავის მხრივ — სუს-ის უფროსი მამუკა მდინარაძე სამართალდამცავი ორგანოების კოორდინაციის საკითხებში სახელმწიფო მინისტრად ინიშნება და ვიცეპრემიერობასაც შეითავსებს. ხოლო შს მინისტრის პოსტს აჭარის ავტონომიური რესპუბლიკის მთავრობის თავმჯდომარე სულხან თამაზაშვილი დაიკავებს.