დიუნის გულშემატკივრებისთვის ფანტასტიკური სიახლე გვაქვს, რადგან ფრენკ ჰერბერტის საკულტო საი-ფაის ეკრანიზაცია გრძელდება. სულ ახლახან Warner Bros.-მა ფილმის პირველი ტრეილერი გამოაქვეყნა.

წიგნის ჩახლართული სიუჟეტი პლანეტა არაკისზე მომხდარ დაპირისპირებებსა და კონფლიქტებზე გვიყვება. ფილმის მეორე ნაწილის დასასრულმა — რომელშიც შანი (ზენდეია) პოლს (ტიმოთი შალამეს) თავიანთი მომავალი შვილის სახელზე ეკითხება — მაყურებლებში დიდი ორაზროვნება გამოიწვია.

აღსანიშნავია, რომ დიუნის მეორე ნაწილის ეს დასასრული დიდწილად განსხვავდება ჰერბერტის 1965 წელს დაწერილი წიგნისაგან, რაც გვაძლევს იმის ვარაუდის საშუალებას, რომ ვილნევი სიქველში გარკვეულ ცვლილებებს შეიტანს. თანაც, წიგნი (დიუნი: მესია), რომლის მიხედვითაც იქმნება დიუნი-ის მესამე ნაწილი, ეკრანიზაციისთვის ზედმეტად უცნაურ, ქაოსურ და კომპლექსურ ნაწარმოებად ითვლებოდა.

ფოტო: Warner Bros.

მესამე ნაწილის ტრეილერის მიხედვით ვიგებთ, რომ წინ პოლ ატრეიდასის აჯანყებებს, კოსმოსური ხომალდების აფეთქებებსა და ახალ ბოროტმოქმედთან ერთად საუცხოო ბრძოლებს ვიხილავთ.

რაც შეეხება მსახიობებს, დიუნი 3-ში ტიმოთი შალამეს, ზენდეიას, ფლორენს პიუს, ანია-ტეილორ ჯოის, ხავიერ ბარდემსა და ჯეისონ მომოას ისევ ვიხილავთ. გარდა ამისა, ფილმში ახალ პერსონაჟებსაც ვიხილავთ, რომელთა როლებსაც რობერტ პატინსონი და ნაკოა-ვულფ მომოა შეასრულებენ.

ზენდეია

ზენდეია

ფოტო: Warner Bros.

ჯეისონ მომოა

ჯეისონ მომოა

ხავიერ ბარდემი

ხავიერ ბარდემი

შეგახსენებთ, რომ დენის ვილნევის ადაპტაციას გულშემატკივრების დიდი სიყვარული და ფინანსური წარმატება ხვდა წილად, ფილმებმა კინოგაქირავებას ჯამურად $1.1 მილიარდი დოლარი მოუტანა.

დიუნის მესამე ნაწილს კინოთეატრებში 18 დეკემბერს ვიხილავთ.

ასევე ნახეთ: