ევროპელმა დიპლომატებმა რუსეთის წინააღმდეგ სანქციების გაგრძელებას დაუჭირეს მხარი, რათა აღმოსავლეთ უკრაინაში მიმდინარე კონფლიქტის პარალელურად მოსკოვზე გავლენა მოახდინონ. ინფორმაციას ამის შესახებ ბრიტანული გამოცემა The Guardian ავრცელებს.

ფარულ კენჭისყრაში მონაწილეობა ევროკავშირის 28 ქვეყნის ელჩმა მიიღო. მათ რუსეთს სანქციები 2017 წლის 31 იანვრამდე გაუგრძელეს.

გადაწყვეტილებას არ სჭირდება ევროკავშირის მინისტრთა წარმომადგენლობის მიერ დამტკიცება. ინფორმაცია ოფიციალურად, სავარაუდოდ, მომავალ კვირაში გასაჯაროვდება.

ევროკავშირმა მოსკოვს სანქციები 2014 წელს დაუწესა და პერიოდულად ახანგრძლივებს. სანქციები ეხება არაერთ მნიშვნელოვან სფეროს, მათ შორის ენერგეტიკასა და ბანკებს.

მიუხედავად ცეცხლის შეწყვეტის შესახებ გასული წლის თებერვალში მინსკში დადებული ხელშეკრულებისა, რუსეთი კვლავ განაგრძობს უკრაინის აღმოსავლეთ რეგიონში შეტევებს, რის გამოც მუდმივად იზრდება მსხვერპლის რაოდენობა.

იტალია, საბერძნეთი და უნგრეთი ეჭვქვეშ აყენებენ სანქციების დაწესების აუცილებლობას. დიდი ბრიტანეთი კი მისი ერთ-ერთი ძლიერი მომხრეა.