აშშ-ის სახელმწიფო დეპარტამენტმა 2025 წელს 100 000-ზე მეტი უცხოური ვიზა გააუქმა, რაც ორჯერ მეტია 2024 წლის ანალოგიურ მაჩვენებელზე. ამის შესახებ ინფორმაციას Fox News ავრცელებს.

ყველაზე მეტი ვიზა ბიზნეს და ტურისტულ სამოგზაურო ვიზების მფლობელებს გაუუქმდათ, რომლებმაც აღნიშნული დოკუმენტის ვადის გასვლის შემდეგ ქვეყანაში დარჩნენ.

Fox News-ის ცნობით, დაახლოებით 8000 სტუდენტმა და 2500 სპეციალიზებულმა მუშაკმა ასევე დაკარგა ლეგალური სტატუსი. დეპარტამენტის წარმომადგენელმა განაცხადა, რომ ვიზადაკარგული სტუდენტებისა და მუშაკების უმრავლესობას სამართალდამცავ ორგანოებთან კრიმინალური კონფლიქტი ჰქონდა.

დეპარტამენტის წარმომადგენლის თქმით, თითქმის 500-მა სტუდენტმა დაკარგა ვიზა ნარკოტიკების შენახვისა და დისტრიბუციის გამო, ხოლო ასობით უცხოელმა მუშაკმა დაკარგა ვიზა, რადგან, სავარაუდოდ, ისინი ბავშვებზე ძალადობდნენ.

ცნობითვის, 2025 წლის აგვისტოში ტრამპის ადმინისტრაციამ გამოაცხადა, რომ განიხილავდა ყველა — 55 მილიონ უცხოელს, რომლებსაც აშშ-ის მოქმედი ვიზა ჰქონდათ.