დეველოპერული კომპანია ზიგმა სახელმწიფო უნივერსიტეტის მიმდებარე ტერიტორიაზე, ზურაბ ანჯაფარიძის პირველი შესახვევში, #2-ში ახალ სამშენებლო პროექტს ახორციელებს — მხარდამჭერი საქართველოს ბანკია.

პროექტის ჯამური ღირებულება 35 მლნ. აშშ დოლარია. საქართველოს ბანკის მიერ განხორციელებული ინვესტიცია კი 20.5 მლნ. აშშ დოლარს შეადგენს.

აღნიშნული პროექტი 65,000 კვ.მ ფართობზე შენდება. კომპლექსი ჯამში 220 ბინას, კომერციულ ფართებს, სამუშაო სივრცეებს, საცურაო აუზებს, ფიტნეს დარბაზს, სქვოშის კორტს, საპარკინგე და სხვა სივრცეებს აერთიანებს. მშენებლობა 2024 დაიწყო და 2027 წელს დასრულდება.

“ჩვენი მთავარი მიზანი მცხოვრებლებისთვის, მაქსიმალური კომფორტის შექმნაა, უსაფრთხოების უმაღლესი სტანდარტის დაცვით, პროექტი მომხმარებელს პრემიუმ ხარისხის ბინებთან ერთად, პანორამულ ხედებსა და რეკრეაციულ სივრცეებს სთავაზობს, რაც მაქსიმალურ კომფორტს და თანამედროვე ცხოვრების სტილს უზრუნველყოფს. აღსანიშნავია, რომ მშენებლობისას გამოიყენება ენერგოეფექტური მასალები, რომლებიც თბოიზოლაციასა და ხმის იზოლაციას უზრუნველყოფს. ჩვენი გეგმა მკაფიო და ამბიციურია — შევქმნათ პრემიუმ კლასის ახალი სივრცეები თბილისის სხვადასხვა უბანში. საქართველოს ბანკთან დაარსების დღიდან ვთანამშრომლობთ და ჩვენთვის ეს პარტნიორობა სანდოობის გარანტიაა, რაც პროექტის უმაღლეს ხარისხსა და დროულად დასრულებას უზრუნველყოფს. სამომავლოდ, მომხმარებლებს კიდევ არაერთ საინტერესო და მასშტაბურ პროექტს შევთავაზებთ“, — განაცხადა ზიგმა საბურთალოს დირექტორმა, ზვიად ჩოხელმა.

ინფორმაციისთვის, მომხმარებლებს შეუძლიათ, ისარგებლონ საახალწლო შეთავაზებით და ზიგმა საბურთალოს პრემიუმ კომპლექსში 50,000 ლარამდე ფასდაკლება მიიღონ.