ჟურნალისტის კითხვაზე: საერთაშორისო მედიასთან თანამშრომლობა დანაშაულია? თუ არა, როგორ ახსნით იმ ფაქტის, რომ სუს-მა გამოძიების ერთ-ერთ მუხლად შეარჩია "მტრულ საქმიანობაში დახმარება უცხოური ორგანიზაციის". ირაკლი კობახიძე აცხადებს, რომ "თუ ყალბი ინფორმაცია მიაწოდეს და ყალბი დასკვნები დაადასტურეს, ეს შეიძლება იყოს დანაშაული".

"როცა შენ ხელს უწყობს კონკრეტულ ორგანიზაციას სახელმწიფოს საზიანო ყალბი ინფორმაციის გავრცელებაში, ეს შეიძლება იყოს შეფასებული კრიმინალად, თუმცა მე არ ვარ ის სუბიექტი, რომელიც დანაშაულის კვალიფიკაციას ადგენს, ეს არის შესაბამისი უწყებების საქმე. მაგრამ, ზოგადად, ყალბი ინფორმაციის მიწოდება სახელმწიფო ინტერესების წინააღმდეგ, ეს შეიძლება დანაშაულად ჩაითვალოს. ...ეს შთაბეჭდილება კი არ იყო. კონკრეტულად ტელევიზიას მიაწოდეს ყალბი ინფორმაცია იმასთან დაკავშირებით, რომ თითქოს კონკრეტული ნივთიერება იყო გამოყენებული. ეს იყო შეგნებულად მიწოდებული ყალბი ინფორმაცია, რაც პირდაპირ იყო მიმართული სახელმწიფო ინტერესების წინააღმდეგ. შესაბამისად ამას თავისუფლად შეიძლება მიენიჭოს დანაშაულის კვალიფიკაცია. თუ ყალბი ინფორმაციაზე მიაწოდეს და ყალბი დასკვნები დაადასტურეს, ეს შეიძლება იყოს დანაშაული. როდესაც კონკრეტული ტელევიზია შეგნებულად ავრცელებს ცრუ ინფორმაციას, რაც მიმართულია საქართველოს ეროვნული ინტერესების წინააღმდეგ, ეს რა თქმა უნდა, სამართლებრივადაც შეიძლება შეფასდეს, როგორც მტრული საქმიანობა.

...ყალბ ინფორმაციაზე დაყრდნობით, რამე სანქცია თუ დაწესდება, ამას ქართული საზოგადოებისთვის ამას არავითარი ფასი არ ექნება", — აცხადებს ირაკლი კობახიძე.

ცნობისათვის, ცოტა ხნის წინ სოციალურ ქსელში ექიმმა კონსტანტინე ჩახუნაშვილმა დაწერა, რომ სუს-ში დაიბარეს გამოკითხვაზე.

"სუს-ში დამიბარეს გამოკითხვაზე. ახლა მოდიან უწყების ჩასაბარებლად ციციშვილის კლინიკაში. მოსამართლესთან გამოკითხვა მოვითხოვე," — წერს ექიმი კონსტანტინე ჩახუნაშვილი.