ყველას გამოგვიცდია, ალბათ, ენერგიის მოულოდნელი გამოცლა, კონცენტრაციის უნარს რომ ვკარგავთ და ყველაფერი ორმაგად რთულდება.

პირველი, რასაც, როგორც წესი, ასეთ დროს ვაკეთებთ ხოლმე, იმის ჭამა ან დალევაა, რასაც ხელის გაწვდენაზე მარტივად ვიპოვით — შოკოლადის შაქრით გატენილი ფილა, ჩიფსი ან ენერგეტიკული სასმელი.

თუმცა, ეს სწრაფი გამოსავალი, თითქმის არასდროს იწვევს დადებით შედეგს — შაქრის უეცარი მოზღვავება ორგანიზმს ინსულინის სწრაფად გამოყოფას აიძულებს, შედეგად კი ენერგიისგანაც სწრაფადვე ვიცლებით.

არადა, ხანგრძლივი ენერგიის საიდუმლო, ასეთ დროს ჯანსაღი ხემსის მიღებაში და პატარა, მარტივი ჩვევების გამომუშავებაშია. თუ ამ სწრაფ “გადაწყვეტებს” ხემსის ნოყიერი და ჯანსაღი ვარიანტებით ჩავანაცვლებთ და დავაბალანსებთ, ჩვენს ორგანიზმს მეტად კეთილ საქმეს გავუკეთებთ.

ჯანსაღი ხემსის რამდენიმე ვერსიას შემოგთავაზებთ, რომელიც თან მარტივი მოსამზადებელია და გამორჩეულად გემრიელიც

1. ნუში ან ქეშიუ და ჩირი

თხილი — ჯანსაღი ცხიმებისა და ცილის წყაროა

ჩირი კი ბუნებრივ შაქარს შეიცავს

ეს კომბინაცია ნამდვილადაა სასარგებლო და თან იმდენად გემრიელი, რომ სიფრთხილეც კი გვმართებს, რომ ერთად დიდი რაოდენობა არ შემოგვეჭამოს. ამიტომ, ჩვენ გირჩევთ, რომ მთლიანი შეფუთვის ნაცვლად, წინასწარ გაამზადოთ მცირე შეფუთვები და თან ატაროთ.

2. ბოსტნეულის ჩხირები ჰუმუსით

თუ თქვენს ტვინს საწვავი სჭირდება, თქვენ კი რაღაც მარილიანი, ხრაშუნა და გემრიელი გინდათ, ეს ვერსია იდეალურია.

სტაფილო, კიტრი ან ბულგარული წიწაკა ჰუმუსთან ერთად ბოჭკოს, ჯანსაღი ცხიმებსა და საჭირო ნახშირწყლებს კარგი წყაროა.

3. ბანანი მიწის თხილის კარაქით

ეს ვერსია არ მხოლოდ ხემსს, დესერტსაც კი ჩაგინაცვლებთ, იმდენად გემრიელია.

ბანანი კარგი, სწრაფად გამოთავისუფლებადი წყაროა ენერგიის, მიწის თხილის კარაქი კი — ცილისა და ჯანსაღი ცხიმების.

რჩევა: ერთი ჩაის კოვზი მიწის თხილის კარაქი საკმარისია დასანაყრებლადაც და ხემსის გაგემრიელებისთვის

4. შავი შოკოლადის (70%+) ნატეხი რამდენიმე თხილთან ერთად

თუ ტკბილის მოთხოვნილება გაქვთ, შავი შოკოლადისა და რამდენიმე თხილის კომბინაცია, კარგი ვერსიაა. შავი შოკოლადი აუმჯობესებს განწყობას და კოგნიტურ ფუნქციას, თხილი კი შაქრის გამოთავისუფლებას ანელებს.

5. პოპკორნის ჯანსაღი ვერსია

ოდნავ დამარილებული პოპკორნი გასაკვირად კარგი ხემსია:

• მდიდარია ბოჭკოთი;
• დაბალკალორიულია;
• განაყრებთ, მაგრამ არ გამძიმებთ.

თუ ნაკლებად სასარგებლო ხემსს ან ჯანსაღი ალტერნატივებით ჩაანაცვლებთ, მალევე იგრძნობთ, რომ თქვენი დღეები უფრო სტაბილური და პროდუქტიული გახდება.