ყაზახეთმა შესაძლოა სომხეთის გავლით თურქეთთან ახალი სავაჭრო გზა გახსნას. ამის შესახებ ჟურნალისტებს დღეს ყაზახეთის ეკონომიკის მინისტრმა სერიკ ჟუმანგარინმა განუცხადა.

მისი თქმით, სომხეთის ტერიტორიაზე გამავალი გზა ასტანას თურქეთის პორტებთან პირდაპირ წვდომას მისცემს.

"ამჟამად ჩვენ აზერბაიჯანის გავლით საქართველოს შავი ზღვის პორტებამდე მივდივართ. ახალი გზა საშუალებას მოგვცემს, ნახიჩევანში შევიდეთ და შემდეგ პირდაპირ თურქეთში, მის საზღვაო პორტებში, შევიდეთ", — აღნიშნა მინისტრმა.

სომხეთის პრემიერმინისტრი ნიკოლ ფაშინიანი ამჟამად ოფიციალური ვიზიტით ყაზახეთში იმყოფება.