რუსეთმა ბირთვული ძრავის მქონე ახალი ფრთოსანი რაკეტა "ბურევესტნიკი" გამოცადა. ამის შესახებ ინფორმაციას რუსული მედია, ქვეყნის პრეზიდენტზე დაყრდნობით ავრცელებს.

ვლადიმერ პუტინის თქმით, რაკეტა "ბურევესტნიკის" გამოცდების ძირითადი ამოცანები მიღწეულია.

"გადამწყვეტი გამოცდები დასრულებულია. წინ კიდევ ბევრი სამუშაოა იმისათვის, რომ ეს იარაღი საბრძოლო მორიგეობაზე გადავიყვანოთ — ეს ნათელია. საჭიროა ყველა რეგლამენტის შესრულება. თუმცა, მიუხედავად ამისა, ძირითადი ამოცანები უკვე მიღწეულია," — თქვა პუტინმა იმ შეხვედრაზე, რომელიც სპეციალური სამხედრო ოპერაციაში ჩართული დაჯგუფებების მეთაურებთან გაიმართა.