ყოფილ ცოლზე ძალადობის ბრალდებით დაკავებულ ქართული ოცნების ყოფილ დეპუტატს, ელდარ კურტანიძეს ახალი ბრალი წაუყენეს. ამის შესახებ ინფორმაციას კურტანიძის ადვოკატი ივანე მეფარიშვილი ადასტურებს. მისი თქმით, ელდარ კურტანიძეს პროკურატურა 4 მუხლს ედავება. აქედან ახალია 160-ე მუხლი, რაც ბინის ან სხვა მფლობელობის ხელშეუხებლობის დარღვევას გულისხმობს.

"პროკურატურა 4 მუხლს ედავება, ეს არის ძალადობა, ნივთის დაზიანება, შემაკავებელი ორდენის დარღვევა და საკუთრების მფლობელობის დარღვევა. ეს 160-ე ახალი მუხლია, რომელიც რამდენიმე დღის წინ დაემატა. ბრალდებულის პოზიციაა, რომ ის უსაფრთხოდ, კეთილ გარემოში და სოციალურად უზრუნველყოფილები იყვნენ.

(ხათუნასთან) სახლის გადაფორმების ნაწილს ჩვენ სადავოდ ვხდით, მიგვაჩნია, რომ მან დადო ფიქციური გარიგება იმისთვის, რომ მეტი პროვოკაცია მოეწყო ბატონი ელდარისთვის. ვაპირებთ ჩვენი სიმართლე დავამტკიცოთ და დავიბრუნოთ ის ქონება, რომელიც არის რიცხული ქალბატონ ხათუნაზე, რომელიც არის რიცხული ბესიკ ლოჩოშვილზე — წყნეთის და ბორჯომის სახლში, ქალბატონ ქეთევან ყავლაშვილზე", — თქვა ადვოკატმა.

ცნობისთვის, ყოფილი ჭიდაობის ფედერაციის პრეზიდენტი და ოცნების დეპუტატი ლუკა კურტანიძე ყოფილ მეუღლეს, ხათუნა მიქაცაძეს ფიზიკურად გაუსწორდა. შემთხვევა ქობულეთში, მიქაცაძის სახლში მოხდა, სადაც ლუკა კურტანიძე სახლში ძალის გამოყენებით შევიდა.

ელდარ კურტანიძეს ბრალდება ოჯახის წევრის მიმართ ძალადობის, ოჯახის წევრის ნივთის განზრახ დაზიანებისა და ოჯახის წევრის მიმართ დამცავი ორდერით გათვალისწინებული მოთხოვნების და ვალდებულებების შეუსრულებლობის მუხლით წარედგინა. აღნიშნული ქმედება 5 წლამდე ვადით თავისუფლების აღკვეთას ითვალისწინებს.

"ოცნების" ყოფილ დეპუტატს, ლუკა კურტანიძეს, რომელმაც ყოფილი მეუღლე პოლიციელების წინ ცემა, 2 წლამდე პატიმრობა ემუქრება