"პაატა დარწმუნებული იყო, რომ გდდ-ის თანამშრომლები გადავიდოდნენ ხალხის მხარეს. ეს არ მოხდა. მოხდა უარესი რაღაც, ღობე, რომელიც ორ ბეტონის ბოძს შორის არის ჩამაგრებული მასიური რკინით, ხუთმა თუ ათმა ახალგაზრდამ მოაძრო ერთ წამში", — ამის შესახებ ტელეკომპანია "პირველის" ეთერში 4 ოქტომბრის აქციის საორგანიზაციო კომიტეტის წევრის, პაატა ბურჭულაძის შვილმა, შუქრი ბურჭულაძემ განაცხადა. მისი თქმით, მამამისი ერთი წამითაც არ უშვებდა, რომ ძალადობა იქნებოდა აქციაზე.

"პაატა დარწმუნებული იყო, რომ გდდ-ის თანამშრომლები გადავიდოდნენ ხალხის მხარეს. ეს არ მოხდა. მოხდა უარესი რაღაც, ღობე, რომელიც ორ ბეტონის ბოძს შორის არის ჩამაგრებული მასიური რკინით, ხუთმა თუ ათმა ახალგაზრდამ მოაძრო ერთ წამში. …ფაქტია, რომ ხალხის მასა არ იყო აგრესიულად განწყობილი, ვინაიდან სასწაული მოხდა და ეს ღობე ჩამოინგრა, რამდენიმე ადამიანის მეშვეობით, მაგრამ თითქმის, არცერთი ადამიანი არ შევიდა შიგნით, ამ რამდენიმე პოლიციელს თუ დაცვის თანამშრომლებს არ გაუწიეს წინააღმდეგობა. მერე პაატას უკვე გაზი შეასხეს და გამოსული იყო აქეთ", — განაცხადა შუქრი ბურჭულაძემ.

შუქრი ბურჭულაძის თქმით, პაატა საჯაროდაც ამბობდა, რომ მაღალჩინოსნები და რობოკოპები გამოდიან კონტაქტზე ორგანიზატორებთან და უნდათ ხალხის მხარეს გადმოსვლა.

"პაატა საჯაროდაც ამბობდა, რომ მაღალჩინოსნები და რობოკოპები გამოდიან კონტაქტზე ორგანიზატორებთან და უნდათ ხალხის მხარეს გადმოსვლა. იმიტომ, რომ ყველაფრით არიან დაღლილებიო. ჩემი აზრით ეს რუსულ სპეცოპერაციას გავს ეს ყველაფერი,ვიდრე საქართველოში დაგეგმილ გეგმას. ერთ რაღაცაშოი დარწმუნებლი ვარ, რომ პაატა ერთი წამითაც არ უშვებდა, რომ ძალადობა იქნებოდა აქციაზე", — თქვა შუქრი ბურჭულაძემ "რეაქციის" ეთერში.

მისივე თქმით, ღალატი მოხდა, "პაატა დარწმუნებული იყო, რომ მშვიდობიანად ჩაივლიდა ყველაფერი".

"ფაქტია, რომ ღალატი მოხდა. პაატა დარწმუნებული იყო, რომ მშვიდობიანად ჩაივლიდა ყველაფერი, ეს უნდა გააჟღერონ ორგანიზატორებმა, ვინც იცის. თუნდაც იმიტომ, რომ მეორეჯერ სხვებმა იგივე შეცდომა არ დაუშვან, ვინც იციან, დაჭერილები ვინც არიან, მათზე ვსაუბრობ, რომ თქვან, რადგან იგივე ადამიანს სხვა აღარ ენდოს, რადგან არსებობენ ისეთი ადამიანები, რომლებიც სპეციალურად ოპოზიციურად მოაზროვნე ადამიანებს ითანხმებენ რაღაცაზე, ორმაგ თამაშს თამაშობენ და მერე ისევ იჭერენ ოლიგარქიის მხარს", — თქვა შუქრი ბურჭულაძემ.

4 ოქტომბრის აქციის საორგანიზაციო კომიტეტის წევრები, მათ შორის პაატა ბურჭულაძე 4 ოქტომბრის ღამეს დააკავეს. 7 ოქტომბერს კი პაატა ბურჭულაძეს, ირაკლი ნადირაძეს, მურთაზ ზოდელავას, ლაშა ბერიძესა და პაატა მანჯგალაძეს აღკვეთის ღონისძიების სახით პატიმრობა შეეფარდათ.

4 ოქტომბრის აქციის საორგანიზაციო კომიტეტის წევრებს ბრალად ედებათ საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ მოწოდება, ასევე ჯგუფური ძალადობის ორგანიზება, ხელმძღვანელობა და მასში მონაწილეობა.

უფრო კონკრეტულად, მურთაზ ზოდელავას, პაატა ბურჭულაძეს და ირაკლი ნადირაძეს 3 მუხლით წაუყენებს ბრალი: სტრატეგიული და განსაკუთრებული მნიშვნელობის ობიექტების ხელში ჩაგდება და ბლოკირების მცდელობის ჩადენილი ჯგუფურად; ჯგუფური ძალადობის ორგანიზება და ხელმძღვანელობა და მოწოდება საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ.

ლაშა ბერიძეს 2 მუხლით წაუყენებს ბრალი: სტრატეგიული და განსაკუთრებული მნიშვნელობის ობიექტების ხელში ჩაგდება და ბლოკირების მცდელობის ჩადენილი ჯგუფურად; ჯგუფური ძალადობის ორგანიზება და ხელმძღვანელობა.

პაატა მანჯგალაძეს ბრალდება ჯგუფური ძალადობის ორგანიზებისთვის წარედგინა.

აღნიშნული დანაშაულები 9 წლამდე პატიმრობას ითვალისწინებს.