"რა დონის ადამიანებიც არ უნდა იყვნენ ამაში გარეული, მას ხელს არავინ დააფარებს და არავინ არაფერს არ დაუმალავს ჩვენ ქართველ ამომრჩეველს", — ოცნების წევრი თენგიზ შარმანაშვილი პროკურატურის მიერ გავრცელებულ ინფორმაციას ეხმაურება იმის შესახებ, რომ 2022-2024 წლებში 624 მილიონი აშშ დოლარის და 35 მილიონი ევროს გათეთრება მოხდა, რომლის დროსაც ერთი პირია დაკავებული. უწყება არ ასახელებს, ვინაა დაკავებული აღნიშნულ საქმეზე.

შარმანაშვილის თქმით, [2 მლნ-მდე ლარის გათეთრების] საჯაროდ გამოტანა შეიძლება ვინმეს მოეჩვენოს, რომ არის პოლიტიკურად საზიანო ქართული ოცნებისთვის, მაგრამ ისინი ამას ყურადღებას არ მიაქცევენ.

"თანხების რაოდენობა, რომელზედაც პროკურატურამ გვაცნობა, ჩვენ ყველას, გონების მიღმაა, ასტრონომიული თანხებია. მაგრამ ერთი რამ არის დასაფიქრებელი და უნდა ვიცოდეთ. მიუხედავად იმისა, რომ, ერთი შეხედვით, ამის საჯაროდ გამოტანა შეიძლება ვინმეს მოეჩვენოს, რომ არის პოლიტიკურად საზიანო ჩვენთვის, ჩვენ ამას ყურადღებას არ მივაქცევთ. კანონსაწინააღმდეგო მოქმედების ჩამდენები ყველანი წარდგებიან ქართული მართლმსაჯულების წინაშე. რა თქმა უნდა, აქ მიჩქმალვას ადგილი არ ექნება. რა დონის ადამიანებიც არ უნდა იყვნენ ამაში გარეული, მას ხელს არავინ დააფარებს და არავინ არაფერს არ დაუმალავს ჩვენ ქართველ ამომრჩეველს", — თქვა შარმანაშვილმა.