კიევში, სვიატოშინის რაიონში მდებარე მოედანს ქართული ეროვნული ლეგიონის სახელი მიენიჭება. გადაწყვეტილება კიევის საქალაქო საბჭომ მიიღო, როგორც მადლიერების სიმბოლო ქართველ მოხალისეებისადმი, რომლებიც 2014 წლიდან უკრაინის თავდაცვის ძალებში იბრძვიან.

kiev.informato-ს ცნობით, ინიციატივის განხილვა 12 მაისიდან 12 ივლისამდე მიმდინარეობდა, ხოლო ონლაინ-ხმის მიცემა 26 მაისიდან 8 ივნისამდე გაიმართა. შედეგებით, ახალი სახელწოდებას 33,585 მოქალაქემ (79%) დაუჭირა მხარი, წინააღმდეგი კი 9,057 იყო.

"ქართული ეროვნული ლეგიონი" 2014 წელს შეიქმნა, როგორც უცხოელი მოხალისეების რაზმი, რომელიც დონბასის ომში უკრაინის დასახმარებლად ჩავიდა. ის უკრაინის შეიარაღებულ ძალებში პირველი უცხოელი დანაყოფი გახდა და მას შემდეგ სხვადასხვა ფრონტზე მონაწილეობს საბრძოლო მოქმედებებში.