ამერიკელი მუსიკოსი, ჩაპელ როუნი ამბობს, რომ ახლო მომავალში ახალი ალბომის გამოშვებას არ გეგმავს, რადგან ის "ჯერ არ არსებობს".

Vogue-თან მიცემულ ახალ ინტერვიუში მუსიკოსმა გაგვიზიარა, რომ მისი მეორე მუსიკალური ალბომი დღის სინათლეს, სავარაუდოდ, მომდევნო 5 წელიწადი ვერ ნახავს, რადგან მასზე მუშაობა არც კი დაუწყია.

"პირველი ალბომის შესაქმნელად ხუთი წელი დამჭირდა და, ალბათ, შემდეგის ჩასაწერადაც სულ მცირე ხუთი წელი დამჭირდება", — თქვა მუსიკოსმა — "მე არ ვარ ისეთი მწერალი, რომელსაც ყველაფრის გადმოცემა შეუძლია".

როუნი ამბობს, რომ როდესაც თავის თავს მუსიკის წერას აიძულებს, კარგი ნამუშევარი არ გამოსდის.

ფოტო: Christopher Polk

"ზოგჯერ, ვკითხულობ კომენტარებს, სადაც წერენ " ეს გოგო ყველგანაა, სტუდიის გარდა", — ამბობს როუნი — "სტუდიაში ყოველდღე 12 საათის გატარება არ ნიშნავს იმას, რომ ალბომს მალე გამოვუშვებ".

შეგახსენებთ, რომ როუნმა სადებიუტო ალბომი The Rise and Fall of a Midwest Princess 2023 წლის სექტემბერში გამოუშვა და მას შემდეგ გრემის ჯილდო საუკეთესო ახალი შემსრულებლის კატეგორიაში მოიპოვა და სამი სინგლი გამოუშვა, მათ შორის The Subway, The Giver და Good Luck, Babe.

აღსანიშნავია, რომ მუსიკოსის სიმღერას — The Subway — დებიუტი გასულ წელს ჰქონდა, როდესაც როუნმა რეპერტუარი მსმენელებს Gov Ball-ზე შესთავაზა. თუმცა, ოფიციალურად, სიმღერა მუსიკოსმა ერთი კვირის წინ გამოუშვა.

ფოტო: Chappel Roan

"უბრალოდ ჯერ არ ვიყავი მზად მისი გამოშვებისთვის", — ამბობს როუნი სიმღერაზე — "ეს უბრალოდ ძალიან მტკივნეული იყო, ძალიან გაბრაზებული და შეშინებული ვიყავი, რომ გამომექვეყნებინა".

სანამ როუნის გულშემატკივრები ახალ ალბომს მოვისმენთ, შეგვიძლია, კიდევ ერთხელ გადავავლოთ თვალი მუსიკოსის დისკოგრაფიას და მოუთმენლად დაველოდოთ ახალ ალბომს.

მანამდე კი შეგვიძლია მოვუსმინოთ ჩაპელ როუნის ახალი სინგლს:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...