ოცნების ხელისუფლების ეკონომიკისა და მდგრადი განვითარების სამინისტროში საკადრო ცვლილებები განხორციელდა. ამის შესახებ ინფორმაციას უწყება ავრცელებს.

მათი ცნობით, პირადი განცხადებების საფუძველზე, თანამდებობები დატოვეს სახმელეთო ტრანსპორტის სააგენტოს ხელმძღვანელმა, ლევან გამყრელიძემ და ნავთობისა და გაზის კორპორაციის გენერალურმა დირექტორმა გიორგი ჩიქოვანმა.

გასულ კვირას თანამდებობა დატოვა ასევე საზღვაო ტრანსპორტის სააგენტოს უფროსმა ალექსი ახვლედიანმა.

"ეკონომიკის სამინისტროს ენერგეტიკული პოლიტიკისა და საინვესტიციო პროექტების დეპარტამენტს ალექსანდრე სოხაძე უხელმძღვანელებს, ხოლო ელექტროენერგეტიკული სისტემის კომერციული ოპერატორის (ესკო) გენერალურ დირექტორად თორნიკე ყაზარაშვილი დაინიშნა", — ნათქვამია უწყების მიერ გავრცელებულ ინფორმაციაში.