ბოლო დროს მსოფლიოში არსებული ქაოსური ვითარების ფონზე, ალბათ, ჰოლივუდისა და შოუბიზნესის ამბებისთვის თვალის დევნებას ვერ ახერხებთ. ამიტომ, თუ გაინტერესებთ, რა ხდებოდა გასული კვირის განმავლობაში ცნობილი ადამიანების ცხოვრებაში — ჩვენ ყველა მნიშვნელოვანი და გამორჩეული ამბავი შეგიგროვეთ:

1. უილ სმიტმა უარი თქვა ფილმ Inception-ში მთავარი როლის შესრულებაზე, რადგან მისი სიუჟეტი ვერ გაიგო.

2. ჯეისონ ისააკსმა განაცხადა, რომ ერთხელ "გლობალურ ვარსკვლავთან" იმუშავა, რომელიც ყველაზე დიდი ბულერი აღმოჩნდა.

"კამერის მიღმა სრულიად განსხვავებული იყო იმისგან, როგორიც კამერებში ჩანს", უთხრა მან Vulture-ს. "დიახ, საშინელება იყო. მანამდე მსგავსი არაფერი მინახავს. ადრე კი იმ მიწასაც კი ვაკოცებდი, რომელზეც ეს ადამიანი გაივლიდა". საინტერესოა, ვისზე საუბრობს ჯეისონი?!

3. მას შემდეგ, რაც ერიკ დეინს ამიოტროფიული გვერდითი სკლეროზის დიაგნოზი დაუსვეს, შვილს მისი ოკეანეში დახრჩობისგან გადარჩენა მოუწია.

"როდესაც ერთ დღეს ოკეანეში ჩავხტი და მივხვდი, რომ არ შემეძლო არც ცურვა და არც ნავთან მისასვლელად საკმარისი ძალის მოკრება, ვიფიქრე, "ო, ღმერთო". მაშინ მივხვდი, რომ წყალში უსაფრთხოდ აღარ ვარ", განაცხადა მსახიობმა Good Morning America-ში.

4. რებელ უილსონი Bride Hard-ის გადასაღებ მოედანზე მომხდარი უცნაური შემთხვევის გამო კინაღამ სამუდამოდ დასახიჩრდა.

"ჩხუბის სცენის გადაღებისას შემთხვევით იარაღი გამარტყეს სახეში. ცხვირი გამისკდა, ამიტომ გადასაღები მოედანი დავტოვე. სინამდვილეში ეს ჩემი გადაღების ბოლო ღამე იყო. ვფიქრობდი — როგორი უიღბლო შეიძლება ვიყო?", განაცხადა მსახიობმა Access Hollywood-თან.

5. ჰილარია ბოლდუინს შვილები რეგულარულად დაჰყავს სასაფლაოზე, რათა მათ სიკვდილის შესახებ ასწავლოს.

"ვფიქრობ, ხშირად დამყავს შვილები სასაფლაოზე", ამბობს Sibling Revelry პოდკასტში. "როცა მშობელი ხდები, ხვდები, რამდენად სათუთია ცხოვრება. მაგრამ მგონია, რომ სასაფლაოებზე დროის გატარება, ისტორიის შეგრძნება და იმაზე ფიქრი, რომ სიკვდილი ცხოვრების ნაწილია — მნიშვნელოვანია".

6. დრეიკმა ერთი თვის მანძილზე აზარტულ თამაშებში 8 მილიონი დოლარი წააგო.

მის მიერ ინსტაგრამზე გამიქვეყნებულ სთორიში ვკითხულობთ: "აზარტული თამაშების მეორე მხარე უნდა გაგიზიაროთ...
წაგებები ახლა ძალიან გამწვავებულია.
იმედი მაქვს, მალე დიდ მოგებას დაგიპოსტავთ, რადგან მგონი ერთადერთი ვარ, ვისაც ჯერ არასდროს უნახავს მაქსიმალური მოგება, სხვები კი ამას კვირაში ერთხელ მაინც იღებენ".

7. ჰამილტონის მსახიობმა ენტონი რამოსმა მადონა გააკრიტიკა იმის გამო, რომ მიუზიკლის დროს აიპადით იყო დაკავებული.

8. ჯოჯო სივამ განაცხადა, რომ თავს იძულებულად გრძნობდა ლესბოსელობა საჯაროდ ეღიარებინა.

"17 წლისამ ვთქვი, რომ პანსექსუალი ვარ, რადგან არ მადარდებს გენდერი, თუმცა შემდეგ საკუთარი თავი შევბოჭე და გითხარით, რომ ლესბოსელი ვარ. ეს ზეწოლის გამო გავაკეთე", ამბობს ის Daily Mail-თან.

9. ლიზომ აღიარა, რომ წონის დასაკლებად Ozempic-ს იყენებდა.

"ყველაფერი ვცადე", უთხრა ტრიშა პაიტასს. "Ozempic მოქმედებს, რადგან ნაკლებს საკვებს მიირთმევ, არა? ასე რომ, თუ სწორად შეჭამ, თავს დანაყრებულად იგრძნობ. თუმცა თუ ამას დამოუკიდებლად მოახერხებ და სხეულის სურვილებს გონებით დაძლევ, შედეგი იგივეა".