პატრიოტთა ალიანსის ფოთის საკრებულოს დეპუტატი, მალხაზ ბუკია უაქციზო სიგარეტის შენახვა-გადაზიდვა-რეალიზაციისთვის ბრალდებით დააკავეს. ფინანსთა სამინისტროს საგამოძიებო სამსახურის ინფორმაციით, ის ერთ-ერთია იმ ოთხ პირს შორის, რომელსაც 416 ათასი ლარის ჯამში 160 ათასი კოლოფი უაქციზო სიგარეტის შენახვა-გადაზიდვა-რეალიზაცისთვის წაეყენა.

საქმეზე გამოძიება სისხლის სამართლის კოდექსის მე-200 მუხლის მესამე ნაწილით მიმდინარეობს. ამ მუხლით, დიდი ოდენობით ჯგუფის მიერ აქციზური მარკის სავალდებულო დართვას დაქვემდებარებული საქონლის აქციზური მარკის გარეშე შენახვა, რეალიზაცია ან გადაზიდვა ისჯება თავისუფლების აღკვეთით ვადით ექვსიდან რვა წლამდე.