1987 წელს, საბჭოთა საქართველოში, მოხდა ის, რასაც ცოტა თუ წარმოიდგენდა – ჰოლივუდის ლეგენდა რობერტ დე ნირო სტუმრად ეწვია თბილისს. ამ ვიზიტმა მთელი ქვეყანა აღაფრთოვანა და დღემდე ახსოვთ, როგორც კულტურის სფეროს წარმომადგენლებს, ისე ყველა იმ ადამიანს, ვისაც მაშინ ეს უნიკალური მოვლენა შეეხო.

ფოტო: ეროვნული ბიბლიოთეკა

დე ნირო მოსკოვის საერთაშორისო კინოფესტივალის ჟიურის წევრი იყო. სწორედ იქ ნახა ქართველი მსახიობი ია ფარულავა, რომელსაც "ფესტივალის ყველაზე ლამაზი ქალი" უწოდა. იას ინიციატივით და მისი დახმარებით, დე ნირომ მიიღო მოწვევა საქართველოში ჩამოსასვლელად — და შემდგომ, მართლაც, ჩამოვიდა.

ფოტო: ეროვნული ბიბლიოთეკა

თბილისის ძველი უბანი ავლაბარი პირველი იყო, სადაც დე ნირომ ფეხი დადგა. იქაურ სასტუმროში ცხოვრობდა.

ვიზიტის ფარგლებში დე ნირომ მოინახულა მცხეთა და ქუთაისიც. თბილისში ყოფნისას დაესწრო სპექტაკლს თუმანიშვილის თეატრში და შემდეგ სცენაზევე ჩაატარა მასტერკლასი ქართველი მსახიობებისთვის.

რობერტ დე ნირო თუმანიშვილის თეატრში

რობერტ დე ნირო თუმანიშვილის თეატრში

რობერტ დე ნიროსა და ია ფარულავას ურთიერთობა ამ ვიზიტით არ დასრულებულა. მოგვიანებით ფარულავა ლოს-ანჯელესში გაემგზავრა და დე ნიროს მიწვევით ორი წელი სწავლობდა და სტაჟირებას გადიოდა აშშ-ში.

ასევე ნახეთ: რობერტ დე ნირომ კანის კინოფესტივალზე საქართველოს შესახებ დასმულ კითხვას უპასუხა