ოთხშაბათს ევროკავშირმა რუსეთის წინააღმდეგ სანქციების ახალი პაკეტი დაამტკიცა, რომელიც შეზღუდვების დაწესებას მოიცვას რუსეთის "ჩრდილოვანი" ნავთობფლოტის ასობით ტანკერზე. ამის შესახებ ინფორმაციას France Press ავრცელებს.

კრემლის წინააღმდეგ ახალი ზომები - ევროკავშირის მიერ 2022 წელს უკრაინაში სრულმასშტაბიანი შეჭრის შემდეგ დაწესებული სანქციების მე-17 პაკეტი, მანამდე იყო მზად, სანამ ევროპელი ლიდერები მოსკოვს აშშ-ს ხელმძღვანელობით სამშვიდობო ძალისხმევის გამო ულტიმატუმს წაუყენებდნენ.

ევროკავშირის 27 წევრი ქვეყნის წარმომადგენელმა დიპლომატებმა პაკეტი ბრიუსელში გამართულ შეხვედრაზე დაამტკიცეს.

პაკეტი, რომელიც ოფიციალურად სამშაბათს იქნება მიღებული, მოიცავს დაახლოებით 200 ნავთობტანკერის შავ სიაში შეყვანას, რომლებიც რუსული ნავთობის ექსპორტის შეზღუდვების გვერდის ავლით გამოიყენება.

შეზღუდვები დაეკისრებათ ისეთ კომპანიებს, როგორიცაა ვიეტნამი, სერბეთი და თურქეთი, რომლებიც რუსეთის სამხედროებისთვის საქონლის მიწოდებაში არიან ეჭვმიტანილები.

ამას გარდა, ათობით რუსი ჩინოვნიკი დაემატება თითქმის 2400 ადამიანსა და ორგანიზაციას, რომლებსაც უკვე ვიზის აკრძალვა და აქტივების გაყინვა ემუქრებათ.

პაკეტი ასევე ითვალისწინებს სანქციებს რუსეთის მოქალაქეებისთვის კიბერშეტევების, ადამიანის უფლებების დარღვევისა და ევროპაში დივერსიის გამო. ამას გარდა, უფლებების დარღვევის, ქიმიური იარაღის გავრცელებისა და ჰიბრიდული საფრთხეების წინააღმდეგ შემზღუდველ ზომებს.