აშშ-ს სახდეპი ადასტურებს, რომ უკრაინაში აშშ-ის ელჩმა თანამდებობა ვადაზე ადრე დატოვა. ამის შესახებ სახელმწიფო დეპარტამენტის პრესსპიკერმა, ტემი ბრუსმა ბრიფინგზე განაცხადა.

"ელჩი ბრინკი სამი წლის განმავლობაში იყო [ბრიჯიტ ბრინკი] ელჩი უკრაინაში ომის დროს. ეს სამი წელი არაჩვეულებრივად შეასრულა მოვალეობა და ჩვენ მას წარმატებებს ვუსურვებთ. ამავდროულად, რა თქმა უნდა, ჩვენ ვმუშაობთ ამ ომის დასასრულებლად და ეს არის ჩვენი მთავარი აქცენტი და ჩვენ, რა თქმა უნდა, ველით, რომ ჩვენი მუშაობა ამ მხრივ გაგრძელდება. მაგრამ ეს არის ის, რაზეც აქ ვართ ფოკუსირებულნი. და ჩვენ ვუსურვებთ მას წარმატებებს და ეს არის ყველაფერი, რისი თქმაც შეგვიძლია ამასთან დაკავშირებით", — განაცხადა ბრიუსმა.

კიდევ ერთი ჟურნალისტის კითხვაზე ­— ადასტურებს თუ არა ის უკრაინაში აშშ-ის ელჩის, ბრიჯიტ ბრინკის გადადგომას, ბრუსმა უპასუხა, რომ დიახ, ის სახლში ბრუნდება.