რუსეთის საგარეო საქმეთა მინისტრი ეუთოს გენერალურ მდივან, ფერიდუნ სინირლიოღლუს შეხვდა და მასთან უკრაინის კონფლიქტის მოგვარების გზები განიხილა.

"ჩვენ ვისაუბრეთ იმაზე, თუ როგორ იქნება შესაძლებელი უკრაინაში კონფლიქტის მოგვარება", — განაცხადა ლავროვმა ეუთოს გენერალურ მდივანთან შეხვედრის შემდეგ გამართულ პრესკონფერენციაზე.

მან აღნიშნა, რომ რუსეთის პოზიცია ამ მხრივ ნათელია — მზად არიან მოლაპარაკებებისთვის.

"რუსეთის პრეზიდენტმა ვლადიმერ პუტინმა ხაზი გაუსვა მის მზადყოფნას მოლაპარაკებებისთვის და იმ პრინციპებისთვის, რომელთა იგნორირება არ შეიძლება, თუ ჩვენ გვინდა საიმედოდ გადავწყვიტოთ ეს კონფლიქტი, აღმოვფხვრათ მისი ძირითადი მიზეზები", — დასძინა მინისტრმა.

მისი თქმით, რუსეთი მზად არის და გააგრძელებს უკრაინის საკითხი განხილვას შეერთებულ შტატებთან და ყველა იმ ქვეყანასთან, ვინც მზად არის ხელი შეუწყოს კონფლიქტის მოგვარებას.