ნარკოდანაშაულზე დაკავებულ ჟურნალისტმა, ნიკა კაციამ დღევანდელ პროცესზე თქვა, რომ საბადრაგო სამსახურის თანამშრომლები პროცესამდე „ბუქნებს“ აკეთებინებენ.

"საბადრაგო სამსახური სარდაფში დაჯდომის საშუალებას არ მაძლევს, ფურცლები მოვითხოვე და არ მომცეს, გარდა ამისა, დღესაც მაკეთებინეს ბუქნები, ეს ყველა შემთხვევაში უნდა ვთქვა", — განაცხადა კაციამ.

დღევანდელ სხდომაზე დაცვის მხარემ მის მიერ დანიშნული ალტერნატიული ექსპერტიზის დასკვნა წარადგინა, რომლის მიხედვითაც ნივთმტკიცებად ამოღებულ კანონსაწინააღმდეგო ნივთიერებაზე კაციას ანაბეჭდი არ არის, ნარკოტიკების კვალი არ არის არც ორგანიზმში.

მორიგი სხდომა 7 მარტს 11:00 საათზე ჩატარდება.

ჟურნალისტი ნიკა კაცია 7 დეკემბერს დააკავეს. მას სისხლის სამართლის კოდექსის 260-ე მუხლის მე-6 ნაწილს ედავებიან, რაც დიდი ოდენობით ნარკოტიკული საშუალებების უკანანო შეძენა-შენახვას გულისხმობს. კაციას ბრალის დამტკიცების შემთხვევაში 8-დან 20-წლამდე ან უვადო პატიმრობა ემუქრება.