საჰაერო ძალების თვითმფრინავი, რომელშიც აშშ-ს სახელმწიფო მდივანი მარკო რუბიო და სენატის საგარეო ურთიერთობათა კომიტეტის თავმჯდომარე ჯიმ რიში იმყოფებოდნენ, ტექნიკური პრობლემის გამო ვაშინგტონში დაბრუნდა. ისინი გერმანიაში მიუნხენის უსაფრთხოების კონფერენციაზე დასასწრებად მიემგზავრებოდნენ.

AP-ის ცნობით, შემთხვევა ხუთშაბათს გვიან საღამოს მოხდა. ენდრიუს ერთობლივი ბაზიდან აფრენიდან დაახლოებით 90 წუთის შემდეგ, C-32-ს, კაბინის საქარე მინასთან პრობლემა შეექმნა. ამის გამო თვითმფრინავი იძულებული გახდა სამხედრო ბაზაზე დაბრუნებულიყო.

აშშ-ს სახელმწიფო დეპარტამენტის სპიკერმა, ტემი ბრიუსმა დაადასტურა ინციდენტი და თქვა, რომ რუბიოს გააგრძელებ მოგზაურობას გერმანიასა და ახლო აღმოსავლეთში სხვა თვითმფრინავით.

შეგახსენებთ, რომ აშშ-ს სახელმწიფო მდივან რუბიოსა და ვიცე-პრეზიდენტ ჯ.დ. ვენსს შეხვედრა აქვთ დაგეგმილ უკრაინის პრეზიდენტ ვლადიმირ ზელენსკისთან.