ხანგრძლივი მოლოდინის შემდეგ, ლედი გაგამ გავრცელებული ხმები დაადასტურა და 2025 წელს ახალი ალბომის გამოშვება დააანონსა. ამერიკელი პოპვარსკვლავის რიგით მეშვიდე სოლო სტუდიური ალბომი, სახელწოდებით Mayhem, 7 მარტს გამოვა. ჩანაწერი 14 სიმღერას აერთიანებს, მათ შორის, უკვე გამოსულ კომპოზიციებს: პირველ სინგლს Disease და ბრუნო მარსთან ჩაწერილ დუეტს Die with a Smile.

Disease-ის გამოშვებისთანავე, დარქ-პოპ ჟღერადობით აღფრთოვანებულმა ფანებმა შენიშნეს, რომ "ძველი გაგა" ბრუნდებოდა. ამ შეხედულებას თავად მუსიკოსიც იზიარებს და ამბობს, რომ ალბომზე მუშაობა დაიწყო "შიშით, დაჰბრუნებოდა იმ მუსიკას, რომელიც მის პირველ ფანებს მოსწონდათ". ამიტომ, როგორც აღწერიდან ვიგებთ, Mayhem გაგას ადრეულ მუსიკას ახლებური პერსპექტივით წარმოგვიდგენს.

ლედი გაგა, რომლის ნამდვილი სახელი სტეფანი ჯერმანოტაა, თანამედროვე პოპკულტურაში ერთ-ერთ ყველაზე გავლენიან ფიგურად მიიჩნევა. პოპვარსკვლავის სახელზე 170 მილიონზე მეტი გაყიდული ჩანაწერი, გრემის 13 ჯილდო, ორი ოქროს გლობუსი და ერთ ოსკარია.

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...