"ჩვენ ტრამპთან შეხვედრები და ურთიერთობები გვექნება მას შემდეგ, რაც ის თავის უფლებამოსილების განხორციელებას ოფიციალურად შეუდგება" - ასე უპასუხა თბილისის მერმა კახა კალაძემ მედიის შეკითხვას, ჰქონდათ თუ არა დონალდ ტრამპის ინაუგურაციაზე დასწრების სურვილი.

კალაძის თქმით, აშშ-ს ახლად არჩეული პრეზიდენტის ინაუგურაციაზე დასწრება ნებისმიერ მსურველს შეუძლია, შესაბამისი საფასურის გადახდის შედეგად.

"ბილეთები იყიდება ჩვეულებრივად და ნებისმიერ მსურველს შეუძლია, შეიძინოს. თუ არ ვცდები, ბილეთის ღირებულება იწყება 500 000-დან და ადის 2 მილიონ დოლარამდე. ამაში ოფიციალურ წყაროებშიც ღიად წერია. შესაბამისად, თუ აქვთ სურვილი, გადაიხადონ ეს თანხები, რატომაც არა, შეუძლიათ, ინაუგურაციას დაესწრონ“ — აღნიშნა თბილისის მერმა.

კონგრესმენმა ჯო ვილსონმა აშშ-ს არჩეული პრეზიდენტის ინაუგურაციაზე სალომე ზურაბიშვილი მიიწვია.