7 იანვარს ტიბეტში მომხდარი მიწისძვრის შედეგად დაღუპულთა რიცხვი 120-ს გადასცდა. CNN-ის ცნობით, ბიძგები იგრძნობოდა ჰიმალაის გასწვრივ მეზობელ ნეპალში, ბუტანსა და ჩრდილოეთ ინდოეთის ნაწილებში.

შეერთებული შტატების გეოლოგიური სამსახურის (USGS) ცნობით, 7,1 მაგნიტუდის მიწისძვრა ადგილობრივი დროით დილის 9:05 წუთზე 10 კილომეტრის სიღრმეზე დაფიქსირდა და მას მრავალი ბიძგები მოჰყვა.

ჩინეთის სახელმწიფო მაუწყებლის ცენტრალური ტელევიზიის (CCTV) ცნობით, მიწისძვრის შედეგად 126 ადამიანი დაიღუპა, 188 დაშავდა და 3600-ზე მეტი სახლი დაზიანდა.

მიწისძვრის ეპიცენტრი ტიბეტის პლატოზე, ტინგრის საგრაფოში, ნეპალის საზღვართან ახლოს, მსოფლიოს უმაღლესი მთის, ჯომოლუნგმას ჩრდილოეთით, დაახლოებით 50 მილის დაშორებით, იყო.

CNN-ის ინფორმაციით, ბიძგები ნეპალის დედაქალაქ კატმანდუმდეც აღწევდა.

ტიბეტი

ტიბეტი

ფოტო: CNN

ტიბეტში საგანგებო სიტუაციების სამსახურისა და ჩინეთის სამხედრო ძალების სამაშველო სამუშაოებმა ნანგრევებში ჩარჩენილი 400-ზე მეტი ადამიანი გამოიყვანეს სამშვიდობოს. 30 000-ზე მეტი მოსახლე თავშესაფარში გადაიყვანეს.

შემთხვევის ადგილზე სამაშველო სამუშაოები ამ დრომდე გრძელდება.