უწყვეტი პროევროპული პროტესტების 39-ე დღეს ზუგდიდში მდუმარე აქცია გაიმართა — ამის მიზეზი ოკუპირებული გალის რაიონის სოფელ საბერიოში მომხდარი ტრაგედიაა, რომელსაც 5 ბავშვის სიცოცხლე ემსხვერპლა.

"ზუგდიდში უწყვეტი აქციების 39-ე დღეს მდუმარე პროტესტი გვქონდა. ყველანაირი მუსიკისა და სიტყვით გამოსვლების გარეშე. შეუძლებელია, ვინმე არ დაადუმოს იმ ტრაგედიამ, რაც ოკუპირებულ საბერიოში მოხდა. აქციის დასრულების შემდეგ მონაწილეები საოკუპაციო ზოლთან მივიდნენ და სიმბოლურად სანთლები აანთეს.

საქართველო აუცილებლად იქნება ძლიერი, ერთიანი, ევროკავშირის წევრი ქვეყანა, სადაც ყველა ადამიანის უფლება იქნება დაცული, ყველა ბავშვი იქნება ბედნიერი და არავის დავკარგავთ სიღარიბისა და რესურსებზე ნაკლები ხელმისაწვდომობის გამო.

არა რუსულ რეჟიმს!", — ვკითხულობთ სამოქალაქო სოლიდარობის ფონდის პოსტში.