რუსთაველის გამზირზე, ქაშვეთის მიმდებარედ, საპოლიციო ძალებმა აქციის რამდენიმე მონაწილე დააკავეს.

შეკრებილები ამბობენ, რომ გზა არ ჰქონიათ გადაკეტილი, გაზონზე იდგნენ, რის შემდეგაც პოლიციამ 3 პირი დააკავა.

დაპირისპირების დროს ერთ-ერთი პირი დაშავდა. მას პირველადი სამედიცინო დახმარება ჩაუტარდა. აქციის მონაწილეები ადგილზე რჩებიან და აქცია გრძელდება.

გამომცემელთა მსოფლიო ასოციაციის (IPA) პრეზიდენტი, გვანცა ჯობავა NEWS.On.ge-სთანა აცხადებს, რომ მისი მეგობარი მხოლოდ იმიტომ დააკავეს, რომ პოლიციას ჰკითხა, რატომ აკავებდა აქციის მონაწილეებს.

"ჩემმა მეგობარმა ჰკითხა პოლიციას რისთვის აკავებო და ამ კითხვის გამო ესეც დააკავეს", — ამბობს გვანცა ჯობავა.

მომხდართან დაკავშირებით შსს-ს ოფიციალური ინფორმაცია არ გაუვრცელებია.