"მინისტრს ჯერ ხელი არ მოუწერია ჩემს გათავისუფლებაზე, გამომდინარე აქედან კვლავ თანამშრომლად ვითვლები და სამსახურში რატომ არ დადიხარო ეს იყო [შსს-ში დაბარების] მთავარი მიზეზი", — ამის შესახებ სოციალურ ქსელში 4 დეკემბერს შსს-დან წამოსულმა შსს-ს ყოფილმა პატრულ-ინსპექტორმა და მესაზღვრე-კონტროლიორმა, გიორგი გოგინაშვილმა მას შემდეგ დაწერა, რაც დღეს, 17 დეკემბერს შსს-ში დაიბარეს.

გამოვედი, მშვიდობაა.

მინისტრს ჯერ ხელი არ მოუწერია ჩემს გათავისუფლებაზე, გამომდინარე აქედან კვლავ თანამშრომლად ვითვლები და სამსახურში რატომ არ დადიხარო ეს იყო მთავარი მიზეზი.

გენერალური ინსპექციის თანამშრომელი კანონის ფარგლებში და თავაზიანად დამხვდა, ყველაფერი როგორც საჭიროა ისე გაკეთდა და წამოვედი. დანარჩენი ვნახოთ რა იქნება...
მაქსიმუმ დასკვნით გამომიშვან რომ ვერასდროს ვეღარ შევძლო სტრუქტურაში მუშაობა. არ მადარდებს, — დაწერა გიორგი გოგინაშვილმა.

ყოფილმა პატრულ-ინსპექტორმა ინფორმაცია სამსახურის დატოვების შესახებ 4 დეკემბერს გაავრცელა. ის საკმაოდ ვრცელ პოსტში შსს-ს თანამშრომლებს მიმართავს, რომ იყვნენ ხალხის სამსახურში და საზოგადოებისგან პატივისცემა მათი ყოველდღიური საქმიანობით დაიმსახურონ.

ამავე თემაზე:

შსს-ს ყოფილი პატრულ-ინსპექტორი გიორგი გოგინაშვილი, რომელმაც თანამდებობა 4 დეკემბერს დატოვა, შსს-ში დაიბარეს

გიორგი გოგინაშვილი: იყავით ხალხის სამსახურში და დაიმსახურეთ პატივისცემა საზოგადოებისგან